Kläpit ja näytelmä

Mulla on nelja poikakläppiä ja kolme heistä assuu Rovaniemelä ja yksi Kemissä. On mukavaa ko asuvat noin lähelä, niin he käyvä ussein meän tykönä. Kesäaikana monesti, talavela harvemmin. Kemissä maijjaa pitävä pistytyy ussein.
Noko tämä pahnan pohjimmainen tuli kesälomansa ajaksi tänne auttahman meitä, niin ensi päivänä teki meile ruokaa, mikä oliki hyvvää ja tulista. Mie sanonki hälle soittavani parin kuukauen vällein, että tulisitko valmistahman taas ruokaa ja kysyin, että onko hällä muita ruokia, mitä hän tekkee, niitäki soppii tulla tekehmän.Mie vein naapurilleki ja hän sano, että on parempaa ko kiinalaisessa ja halusi ohjeen.

Häätyy sanoa, että mie olen onnellinen ja rakastan heitä koko syämestäni, he ovat mulle kaikkikaikessa. Meilä on kläppien kans oma yya-sopimus.

Täälä kylälä on ollu paikallisela teatteriryhmälä hyvä näytelmä "Kahen akan loukussa", mitä on esitetty täyele salile (150 henkilöä soppii) seittemän kertaa ja vielä on klme ylimäärästä esitysta. Ihmiset ovat tykähneet siitä. Näytelmän on kirjottanu Heikki Luoma. Viime vuona oli saman henkilön kirjottama "Akkaralli" ja seki oli hauska. Menkää kattohman jos teän lähelä esitethän näitä. Itte olen ollu kylätalon porukan kans kahvittelun  järjestämisessä mukana.
Mie olen saanu tämmösen kortin:

Mie plokkaajaksi

Mitenkä mie voin plokata ko en saa  minkhänlaista tekstiä aikaseksi, se on suuri ongelma. Minua taitaa vain jännittää niin että pääki on aivan sekasin. Jospa se tästä lähtee etenehmän ko aika kulluu ja saa jotaki aikhaiseksi.
Kalligrafiaeli korutekstaus
Mie yritän kirjottaa omista kiinnostuksen aiheista Yksi niistä on kalligrafia, mitä tullee harrastettua enemmän talven pimmeinä iltoina. Minua ovat kiinnostahneet kirjaimet aina ( sen takia mie vissiin luen niin paljon) ja ko näin kalligrafia-kirjoitusta, mie tykästyin siihen. En ole käyny mithän kurssia, vaan yritän ittekseni ja kaverin kans kirjottaa ko olema kahen. En piä itteäni taitavana, mutta minusta on hauska kirjottaa kauniisti.
Tässä kirjassa on myös tietoa:

Kalligrafia yhistyksen sivulta löytyy enemmän tietoa ja täältä:http://marikakk.blogspot.fi/2014/09/the-world-of-calligraphy-tervetuloa.html

kuva: http://www.kalligrafia.org

Tästä se sitteen alkaa minun plokitaipaleeni. Toivothan, että viihytte.